كليب فاضح لاولاد وبنات في مدرسة عباس العقاد

تصاعدت أزمة الكليب الفاضح التى فجرها برنامج 90 دقيقة أمس ، عرض البرنامج بعض لقطات من 2 كليب تم تصويرهما داخل مدرسة عباس العقاد التجريبية بمدينة نصر، وردت مديرة المدرسة بنفى الموضوع ...تحدثت السيدة سهير الليثى مديرة المدرسة للبرنامج مرة أخرى الليلة لكنها اعترفت بأن اللقطات كانت فى مدرستها وقالت : أيوه ده حصل فى مدرستى وأنا إتأكدت بعد التحقيق وده كلام قديم ، والمدرسة التى تظهر فى الكليب الأول رجلها متجبسة من شهرين ، وكانت دخلت فى بداية الحصة وبدأت تكتب على السبورة والبنات بدأوا يهرجوا فخدتهم على مديرة المدرسة واعتذروا لها وانتهى الامر ، ودى حاجة عارضة ولم تتكرر مرة أخرى ...
اضافت مديرة المدرسة : والدة الطالبة اللى جت لك لو كانت خايفة على بنتها كانت راحت مديرية الامن مش تجيلك البرنامج بتاعك !!! انتوا بتشهروا بالبنات وبالمدرسة وبتهدموا العملية التعليمية ...!!
رد معتز بحدة : اللى بيهدم العملية التعليمية هو اللى مش بيشوف شغله ...!
قالت : ما حنا شايفين شغلنا كويس وعيب تقول ان فيه هشك بشك فى المدرسة وان التعليم على واحدة ونص ، دى بنات تعليم اساسى 11 او 12 سنة ، ودى حفلات سمر مش حصة واللى ظهر فى الحوش كان يوم الرياضة المصرية اللى شاركت فيه كل المدارس فى مصر...
سألها معتز بسخرية : هو اليوم الرياضى ولا الحكاية حصلت من سنتين ولا المدرسة رجلها فى الجبس ؟
- دى بنات ابتدائى وبنات ناس انت شهّرت بيهم


رد معتز : لو حضرتك شايفة ان ده تشهير أنا هاعرض لك صوت وصورة علشان نشوف كلامك ....
وعرض البرنامج الكليبين بالكامل وظهرت فيهما لقطات فاضحة لبنات واولاد يرقصون بشكل غير لائق ...

أما مدحت مسعد وكيل وزارة التربية والتعليم فقد أ:د للبرنامج أن وزير التربية والتعليم قرر ارسال لجنة الى المدرسة للتحقيق فى الواقعة ولابد من اجراء فورى ضد المدرسة ، والكلام كله متناقض مع بعضه ولابد من عقاب المتسببين لأن دى مدرسة تجريبية والانضباط فيها المفروض يكون اكثر من المدارس الاخرى