الف مبروك يحقق مليون جنيه ايرادات يومية

نجح النجم الكوميدى أحمد حلمي وفيلمه الجديد (الف مبروك) في تحقيق إيرادات قدرها ثلاثة ملايين و450 ألف جنيه خلال ثلاثة أيام ونصف اليوم تحديداً منذ بدأ عرضه جماهيريا مساء يوم الأربعاء الماضي حتى انتهاء حفلات يوم السبت.

وبتفاصيل أكثر حقق الفيلم في ثلاثة حفلات فقط يوم الأربعاء الماضي 750 ألف جنيه بمتوسط 250 ألف في كل حفلة، وحقق في اليوم التالي الخميس 900 ألف جنيه، وحقق في يوم الجمعة ايرادات قدرها مليون و50 ألف جنيه وفي اليوم الرابع السبت حقق ايرادات قدرها 950 ألف جنيه.

(ألف مبروك) سيناريو وحوار محمد دياب وإخراج أحمد نادر جلال ويشارك في بطولته الوجه الجديد رحمة وفريق مسرحية قهوة سادة وانتاج الباتروس كامل ابوعلي، ووصلت ميزانية انتاجه لـ 15 مليون جنيه، كان نصيب أحمد حلمي منها سبعة ملايين جنيه.

من تعليقات القراء

الميزة الوحيدة اللي في الفيلم هي اداء وتمثيل احمد حلمي اللي نضج
انما الفيلم فكرة مش كوميديا ، وللاسف الفكرة مش قوية قوي خصوصا انها مقتبسة بشكل واضح جدا من فيلم اجنبي نزل سنة 93
ع العموم فيلم مش بطال ، انما احمد حلمي المفروض يعمل احسن من كده بكتير خصوصا عشان ثقة الجمهور فيه
عشان كده بقولك يا حلمي خد بالك ، ثقة الجمهور حمل كبير خليك قده ، وعايزين افكار جديدة زي كده رضا مثلا ، مش مهم الكوميديا ، المهم الفكرة والتشويق في الفيلم ، انما اداءك كان كويس جدا ، والف مبروك ع الفيلم

***************
انا يمكن اول مرة اعلق على موضوع بس عشان يمكن الفلم يمكن يكون ليه تأثير اجابى عليه عشان كدا انا حبيت اعلق واخترت عنون التعليق شعب محترم وافلام ليه معنى ودا انا قصده لكن الشعب اتغير عن زمان شوية زمان كان افلاالاغرات الجنسية هى الى كانت بتثير طائفة كبية من جمهور السينما انهاردة اغلاب الناس محتاجة فن محترم ودا ياريت ياخليى الفنانين يغيره فكرهم ويحولو يتجه للفن المحترم يمن زمان كان فى نظرية الفيلم فيه كام مشهد اغرى يزيد ايرادات بس انهاردة الوضع اختلف بق الفن المحترم ليه مكانته اتمنى ان الفنانين يعيده النظر مرة ثانى
وبنسبة لافلام ليه معنه اناعن نفسى الفيلم كان ليه تاثير كبيرة على نفسيتى لان ناس كتير وشباب كتير كان بيفكرة فى حيتهم هم وبس وبينسى ان فى ناس كتير مهمين فى حيتهم محتاجين وقت منا عشان نفكر فيهم

*******************
الحاجه الوحيده اللي خلت حمي نمبر وان في الفتره الاخيره هي غياب متعمد للابداع في مصر في الصيف الاخير اللي احنا فيه ده طبيعي ان احمد حلمي ينجح لان الموسم كله بلا استثناء مضروب بالنار لكن سؤال بيطرح نفسه هل الحكايه دي هتفضل كتير منلاقيش غير حلمي هو اللي موجود والباقي في غيبوبه !!! ده بكل تاكيد هيقودنا اننا منجريش غير ورا حلمي ..ونقبل منه الغلط قبل الصح لانه بقي بابا وماما وعمو وخالو في السينما متفتكروش كلامي مدح في حلمي انا بقول انه كان ولا يزال وسيظل بطريقته دي احسن الوحشييييين لسه كتير علي ما يكون الافضل علي الاطلاق .....دليل بسيط علي كلامي ..حطوا احمد حلمي في موسم صيف 2006 وشوفوا حجمه هيبقي عامل ازاي ..وللعلم فيلم جعلتني مجرما ينافس بقوه افلام احمد حلمي كلها لكن في وسط عماره يعقوبيان وواحد من الناس وحليم مش هيعدي غير كونه ممثل كوميدي وخلاص