فيديو اخبار كليبات صور يعني كل حاجة

شاهد بيتك او مدينتك عبر القمر الصناعي

الانترنت سرعة 1 ميجا بمائة جنيه من اول يوليو

صرح الدكتور طارق كامل وزير الاتصالات وتكنولوجيا المعلومات بأن وزارة الاتصالات بصدد إعادة هيكلة مبادرة الإنترنت التى طرحتها فى عام 2007 ، حيث سيتم إعتبارا من أول يوليو القادم توفير إشتراك شهرى بسرعة واحد ميجا بسعر 100 جنيه شهريا وسعة تحميل 5 جيجا، وذلك كحد أدنى لفئات الاشتراك التى تدعمها الوزارة .

وأضاف الدكتور طارق كامل - فى تصريحات له الإثنين - أن إعادة هيكلة المبادرة تشمل توجيه الدعم إلى سرعة واحد ميجا كحد أدنى ورفعه عن سرعة 256 كيلوبايت التى لم تعد يعتد بها فى قياس المؤشرات العالمية ولا تفى بإحتياجات التطبيقات الحديثة على الانترنت لخدمة المواطن ، مشيرا إلى أن إعادة الهيكلة تستهدف أيضا القضاء على نظام المشاركة فى الاشتراك الواحد المعروف بنظام الوصلة.

من جانبه ، صرح المهندس عماد الأزهرى نائب رئيس الشركة المصرية للاتصالات بأنه سوف يتم طرح فئات جديدة من إشتراكات وسرعات الانترنت فى إطار عملية الهيكلة.


الإعفاء من غرامات تأخير فاتورة الارضى

وأعلن وزير الاتصالات وتكنولوجيا المعلومات أنه سوف يتم إعفاء مشتركى التليفون الثابت من دفع غرامات تأخير عن عدم سداد فواتير التليفون الارضى خلال الفترة الماضية على ان يبادر المشترك المتأخر بسداد أصل الفواتير
المستحقة عليه دون ضرائب او غرامة تأخير قبل 30 يونيو القادم.
وأضاف وزير الاتصالات أن هذه الخطوة تأتى فى إطار منح فترة تصالح للتخفيف عن المواطنين الجادين ممن يرغبون فى السداد والحصول على الخدمة بدون دفع غرامة او ضرائب تأخير ، وبعد انتهاء المهلة سوف يتم تطبيق القواعد المقررة للتعامل مع حالات سداد الفواتير وفقا لما هو مطبق بالشركة المصرية للاتصالات.
ومن جانبه صرح المهندس عقيل بشير رئيس مجلس إدارة والرئيس التنفيذى للشركة المصرية للاتصالات بأن هذه الخطوة بعد تلقى الشركة للعديد من الشكاوى من المواطنين وتراكم غرامات التأخير عليهم ، ورغبة من الشركة المصرية للاتصالات فى التخفيف عن المواطنين وفتح صفحة جديدة تسهل على المشتركين الراغبين فى الانتظام فى السداد

من تعليقات القراء المبضونين
انا اول ما عرفت امبارح فرحت اوى، قولت بدأنا نتطور
بس لما فكرت فيها لقيت الوضع غير كده. اشتراك واحد ميجا محدود من لينك دلوقتى بـ 120 جنيه وليك ترافيك 7 جيجا، واى جيجا داونلود اضافية معروف انها بـ 10 جنيه. يأه لو شيلنا 2 جيجا من الترافيك الأصلى اللى هو 7،اللى فاضل هيكون 5، والسعر هيقل 20 جنيه يبأه 100 جنيه.
يعنى سيادة الوزير عمل تعديل فى نظام اصلا موجود، مفيش اى تخفيض ولا حاجة. انما على العكس الارباح اكتر كتير.
بلا شك فيه ناس اتظلمت اللى هما سرعتهم كانت اقل من 1 ميجا وانا منهم طبعا. انا سرعتى 256 كيلو بت غير محدود وبدفع 95 جنيه شهريا، 95 من 100 مش فارقه كتير فى الفلوس، بس هتفرق فى الاستخدام. صحيح السرعه اعلى بس ده هيؤدى لداونلود اكتر ومش هيكفينى ال 5 جيجا، وهتضطر ازود باندويدث وادفع تانى يبأه انا خسران مش كسبان.

وكده ولا كده مش هيعرف يلغى الوصلات لان مش ديه الطريقه، زى ما واحد علق قبلى لو عاوز فعلا يلغى الوصلات يوفر الانترنت بسعر اقل، يعنى 256 ك ب غير محدود يكون ب 45 او 30 جنيه كمان ساعتها كل اللى مركب صله من سايبر او مع جرانه هيحب النت يكون بتاعه وفى بيته مش مرتبط بحد وممكن تقل الوصلات دي كتير.

انما الوزارة عاوزة تشفط الشعب، ولسة كمان كل حاجة هتغلى مع العلاوة 10% والحكومة تشفط الشعب عشان عجز الموازنة
واما نشوف اخرتها مع حكومة الشفاط دي، وحسبي الله ونعم الوكيل

*****************
بغض النظر عن السعر والسعة وكل هذا الهراء الموضوع للإستهلاك المحلى والإعلامى .. فيه نقطة مهمة جدا ياريت المختصين ينتبهوا لها وهى نقطة فنية جدا ألا وهى إن الشبكة الأرضية الموجودة حاليا واللى بيتحمل عليها خدمة الإنترنت الحالى إمكانياتها التكنولوجية لاتتحمل أكثر من 512 وبعض الشبكات لاتتحمل أكثر من 256 وإذا زادت السرعة عن هذا الحد بيحصل حاجة إسمها كونفلكس فى الخط الأرضى يعنى ياإما تستخدم الإنترنت وإما تستخدم التليفون .. يعنى ده معناه اللى عاوز إنترنت من أول يوليو يبقى يقدم على خط تليفون آخر ويستخدمه فى خدمة الإنترنت فقط والخط اللى عنده حاليا يجعله للمكالمات .. يعنى بإختصار هى خطة جديدة لبيع خطوط أرضية جديدة بعد ماشركات المحمول غطت وموتت التليفون الثابت بعروضها وتخفيضاتها المستمرة .. يبقى ياريت يكون فيه شفافية ويتم الإعلان عن بيع خطوط أرضية جديدة بدل اللف والدوران ومش كل حاجة نقول عليها علشان نبقى متقدمين وإذا كانت نية الوزير سليمة يبقى الأول يغير الشبكة الأرضية بدلا من الأسلاك والكابلات النحاسية المدفونة تحت الأرض الغرقانة فى مياه الصرف والمياه الجوفية واللى بتسبب فى التشويش يبقى يغيرها الأول لشبكة الألياف الضوئية وهو ده يبقى التقدم الحقيقى .


************************
يالا ياد يا محدود منك ليه كل واحد على بيته.
محدود الدخل ومحدود اللحمة ومحدود العلاج ومحدود المسكن ومحدود المواصلات ومحدودالتحميل ومحدود المواقع ومحدود التعليم ومحدود الرئيس (رئيس واحد كل قرن)
اااااااااااااااه يا بلد


*****************
ال 1 ميجا المحدود ب 10 جيجا تحميل دلوقتي سعره 150 جنيه، البيه طلع يقول انه هايبقى 5جيجا (بدل 10) و بمائة جنيه (بدل 150 جنيه).
مش فاهم ايه الاختراع في الخبر؟ قلل السعة وقلل الفلوس

********************
الناس بره بتتكلم في الوي مكس
وانتا بتقولي انتر نت محدود السرعه وبردوو بتربوطو علي المصريه للتصلات
ليه يعني ما يبقاش وس ماكس والناس تستقبل وير لس
او بكبلات
يبقي هووائي هيكلف المصريه للتصلات ذي هيكلفها الموضوع التاني
وبعديين 100 جنيه كتتير الناس بتدفع في الوصله 30 جنيه وسرعه معادله للميجاه بس ميش في كل الاوقات
وي بي 30 جنيه بس
فا لييه حرررام

اشترك الان معنا ليصلك جديدنا يوميا عبر الايميل

1 comments:

MOETAZ HASSAN said...

انا لله وانا اليه راجعون
كل نفس ذائقه الموت
اللهم ارحم امواتنا واموات المسلمين اجمعين واحسن ختام المسلمين اجمعين
اللهم امين

Blog Archive