نكت سياسية ومصرية

حاكم عربى لقي فانوس سحري قام دعكه فطلعله منه ابليس قاله:شبيك لبيك تطلب ايه؟
قاله: بص بقي يا عم ابليس انا عملت فب الشعب بتاعي كل حاجه..قوللي بقي علي حاجه جديده اعملها !
ابليس قاله: بس كده..بسيطه..هات ودنك..وش وش وش وش وش
قام الحاكم قاله: ايه ياعم لعب العيال ده..ده كلام برضه
قام ابليس قاله: بلاش دي..هات ودنك...وش وش وش وش وش
قام الحاكم قاله: ايه يا عم ده ...انت شكلك ابليس نص كم ولا ايه
ابليس قاله: معقول الفكره دي مش عاجباك!!..طب خد دي بقي..وش وش وش وش
قام الحاكم قاله: ياعم انت شكلك كده لا ليك في العفرته ولا حاجه..هات ودنك بقي اقولك انا
بعمل ايه في الشعب بتاعي....وش وش وش وش وش وش
قام ابليس برق و قاله: يا راجل حرام عليك اتقي الله!!!

*************
واحد بلدياتنا الإسرائليين كانوا عاوزين يخلوه جاسوس لصالحهم فلما خلص التدريب قال لهم يعني حرجع مصر قالو له ايوه حترجع ياهريدي فقال طيب ازاي اتصل بيكم فقالو له احنا اللي حنتصل بيك ياهريدي وحنبعتلك مندوب من عندنا يقولك ازيك ياهريدي وازاي امك ، بعد شهرين وصل المندوب للعمارة اللي فيها هريدي فشاف البواب سأله هريدي في أي دور البواب قاله في 4 هريدي في الدور الأول والثاني والرابع والخامس فالمندوب خايف لا ينكشف فقام طلع الدور الأول ودق الجرس فطلع له واحد فقاله ازيك ياهريدي وازاي امك ,قاله انت عاوز هريدي الجاسوس دا ساكن في الدور الرابع!!

دكتور عربي ,دكتور ياباني ودكتور أمريكي في مؤتمر عن زراعة الاعضاء
قال الامريكي: احنا كان عندنا واحد ما بيشوفـش ,جبنـا قطـة ودبحناهـا
وأخــذنـــا عـيـنـيـهـا وزرعـنــاهــم لـلــرجــل ..!!
اللـي كـانـوا واقفـيـن قـالـوا لـه:يـاااه؟ وبيـشـوف كـويـس ؟؟
قـال لهـم : طبعـا بيشـوف , وبيشـوف اللـي ورا الشمـس كمـان ..
قال الياباني: احنا كان عندنا واحد كبـده تعبـان , فجبنـا قطـة ودبحناهـا
وأخـــذنـــا كــبــدهــا وزرعــنــاهــا لــــــه ..
قالوا : وبيشتغل كويس ؟ قال: أمـال .. ده بيهضـم الزلـط ده الوقـت..
العربي قال: احنا بقى كان عندنا واحد مخه بايـظ ,رحنـا شايليـن مخـه
وحــطــيــنـــا بــــدالـــــه جــــزمـــــة..!!
قـالـوا لــه : ايــه ؟؟ مــش معـقـول !ولـســة عـايــش؟؟
قـال لـهـم طبـعـا ..ده مـسـؤول كبـيـر عنـدنـا ده الـوقـت...

********

رئيس وزارة دولة( عربتمان)راح للرئيس بعد مـا شالـوه مـن الـوزارة
وقـال لـه :عايـز أعــرف انــت شلتـنـي لـيـه يــا ريــس؟؟
قــال لـــه : يـــا حبـيـبـي التغـيـيـر سـنــة الـحـيـاة .
طــيــب شــلــت وزيــــر الـمـواصــلات لــيـــه ؟؟
قــال لـــه يـــا حبـيـبـي التغـيـيـر سـنــة الـحـيـاة ..!
قال له طيب ,ممكن أسألك سؤال ؟ ليه انت الوحيـد اللـي مـا بتتغيـرش؟
قال له : يا حبيبي تغيركـم انتـم سنـة ,لكـن أنـا وجـودي فـرض!!!

********

فى حوار بين مسئول امريكى ومسئول عربى
المسئول الامريكى :-
احنا فى اميركا بندى المواطن 10 الاف دولار فى الشهر كحد ادنى
وبناخد منه 500 دولار ضرائب وفواتير كهرباء وميه وخلافه
ومابنسألوش بيودى الباقى فين
رد عليه المسئول العربى
احنا بقى احسن منكم
احنا بندى للمواطن 200 دولار فى الشهر
وبناخد منه 500 دولار ضرائب وفواتير
ومابنسألوش بيجيب الباقى منين

*********

وقف الزعيم الديمقراطي يلقي خطبة أمام الشعب فاندمج في خطابه و أخذ يقول : نحن بلد الديمقراطية نحن بلد التقدم نحن بلد التطور فقام مواطن و قال : سيادة الرئيس أين الديمقراطية؟ أين التقدم؟ أين التطور؟ فلم يرد الرئيس و اندمج في خطابه و أخذ يردد: نحن بلد الديمقراطية نحن بلد التقدم نحن بلد التطور فقام مواطن اخر و قال : سيادة الرئيس أين الديمقراطية؟ أين التقدم؟ أين التطور؟ أين الرجل الذي كان بجانبي؟
***********************
حسب أخر إحصائية صدرت عن لجنة أصدقاء المطبات والمنبثقة من جمعية 'سيارة في مطب الريح' جاء فيها أن محافظة القاهرة إحتلت المركز الأول على مستوى العالم من حيث عدد المطبات والحفر والدحديرات ويوجد في القاهرة أكثر من ستين مليون مطب بواقع ثلاثين مطب لكل مواطن 'وإللي مش مصدق يروح يعد'.
وجاء في الأحصائية نبذة مختصرة لأنواع بعض المطبات الأثرية القديمة والعصرية الحديثة التي لاتوجد الا في محافظة القاهرة كالتالي : ـ
المطب البزابيزى
وهو عبارة عن مجموعة من البزابيز الحديد الكثيرة المنتشرة على مساحة كبيرة على الأرض ليس لها هدف سوى دغدغة العفشة الخاصة بسيارتك مهما مريت عليه بسرعة ضعيفة أو عالية.
وقد ظهر هذا النوع من المطبات فى مصر بين عقد اتفاقية بين الحكومة ومستوردى قطع غيار السيارات لزيادة الرواج فى بيع قطع غيار العفشة بعدما اتجه الشعب المصرى الندل لشراء السيارات المستوردة المتقفلة كويس بدلا من السيارات المصرى المتقفلة مثل الكنبة ام عجل علشان تحرموا.



المطب ا لإرتجاجي
وكان أول ظهور لهذا النوع في عام 1975م وهو مطب منتشر بشكل جيد على مساحات كبيرة من الشوارع أطلق عليه هذا الإسم لأنه يقوم برج السيارة بالكامل فلا يسلم منه رفرف ولا صدام ولا صامولة ولا مسمار. ويرجع الفضل في ظهور هذا النوع من المطبات الى كل من شركتي الإتصالات و الكهرباء ، وقد تم مؤخرا تبرئة مصلحة الصرف الصحي من أن يكون لها يد في ظهور هذا النوع من المطبات وذلك بعد التأكد والتيقن من أن مصلحة الصرف الصحي لم تقم بأي حفريات في محافظة القاهرة منذ سقوط الدولة العثمانية. ومن مميزات هذا المطب انه يقوم بإفاقة السائق السرحان وإيقاظ الراكب النعسان وتُقاس شدة إرتجاجه بوحدة قياس ريختر واعلى درجة سجلت له اثنين وعشرين من تسعة.

المطب التكاثري أو التوالدي
وسمي بهذا الإسم لأنه يتكون من عدة مطبات تتوالد وتتكاثر أصلا من مطب واحد، ومن خواصة انه مطب إجتماعي يعيش في جماعات وقطعان 'مطبية' بجانب بعضها البعض ويغطي مساحات شاسعة ، وهو المطب الوحيد الذي تصدر عنه رائحة كريهة داخل السيارة أثناء سيرها بسرعة عالية فوقه، ولسنين طويلة لم يستطع علماء المطبات ان يتعرفوا على سبب أو مصدر هذه الرائحة حتى توصلوا في عام 1985م الى تصور إفتراضي يفيد أن تلك الرائحة لها علاقة بنوعية طعام السائق والركاب ساعة دخولهم حقل المطب التوالدي.

مطب التفْليك أو المجهِض سابقا
وعادة ما يوصي به أطباء النساء والولادة للسيدات الحوامل خصوصا في الشهر التاسع ، فيقوم الطبيب برسم كروكي خلف الروشتة لعدة أحياء يتواجد بها هذا النوع من المطبات على ان تتقيد السيدة الحامل بالتعليمات الطبية والمرور في هذه الأحياء كل ثماني ساعات لتسهيل عملية الولادة. وكان الإسم القديم للمطب (المجهِض) وتم تغيير اسمه الى التفليك وذلك تحسبا من إقامة أي دعوى قضائية ضد وزارة الصحة أو محافظة القاهرة أو وزارة الموصلات وان حدث أي إجهاض لاقدر الله لأي سيدة حامل فسوف تقوم جهات الإختصاص برد الدعوى القضائية بدعوى أن السائق
او الزوج استعمل مطب خاطئ أو مطب منتهي الصلاحية ولم يتقيد بتعليمات الطبيب.
(ويطلق عليه طبيا إسم مطبومايسين)

المطب المصري القديم
وهو من أقدم المطبات على الإطلاق ولا يوجد إلا في محافظة القاهرة فقط فعمره يقدر بألاف السنين ولا أحد يعرف نشأته أو وقت ظهوره
، وقد جاء في مخطوطة أثرية لأحد الرحالة العرب من الذين قدموا الى محافظة القاهرة أيام 'الشمبرلاح' وقد افرد صفحة كاملة لهذا المطب الأثري قال فيه :
'المطب المصري القديم لم أرى مثله أبدا فهو قادر على التخفي ، فمن قدراته أنه يتلون
ويتأقلم حسب المحيط الذي يوجد به ، وهو يتكون عادة بفعل تراكم الأمطار ورطوبة القشرة الأرضية لعدم وجود شبكة صرف صحي' انتهى كلام الرحالة. وبالفعل تظهر أعداد كبيرة من هذه المطبات بعد أن تجف الطرق من مياه الأمطار ، ويصنف المطب من ضمن اخطر عشر كوارث طبيعية في العالم وهو يحتل المركز الثالث بعد الزلازل والبراكين ، وهو لا يظهر للسائقين على صورة مطب فيعتقد السائق ان الطريق خالي من المطبات تماما وما ان تدخل السيارة حدود المطب ينشق فجأة ويبلع السيارة بالكامل في لمح البصر وبعد عملية البلع يرجع كما كان ويلتئم الشق الكبير وكأن شيئا لم يكن. ويقال انه استعمل لأول مرة كسلاح فعال في الحرب العالمية الأولى لأصطياد الدبابات الألمانية.
المطب الحراري
الموجه
ومن اسمه يتضح للقارئ طريقة عمله فهو يتبع السيارة أينما ذهبت دون ملل أو كلل حتى 'يلسعها' ومهما كان قائد السيارة 'حريف سواقه' فهو لا يستطيع تفاديه. وظهر هذا النوع من المطبات مع دخول العالم القرن العشرين وهو يحتوي على تقنية عالية ويتواجد عادة في القاهرة الجديدة ومن أسوء المطبات على الإطلاق تلك التي يصنعها المواطنين امام منازلهم وقد شددت الأمانة على عدم القيام بصناعة المطبات المنزلية من قبل أناس ليس لديهم الخبرة ولا الدراية بهذا العلم حيث ان علم المطبولوجي من اختصاص المحافظات فقط
************
مرة واحد صعيدى سافر امريكا ولما رجع بيحكى لامة وابوة على اللى شافة هناك فبيقول يالهوى يامة على العمارات اللى هناك

طويلة اوى دة مرة واحد رما نفسة من الدور 90 قعد تلت ايام لحد ما يوصل للارض ردت اومة قالتلة ومات ؟ رد ابوة على امة قالها ابة عليكى ولية غبية تلت ايام لا ياكل ولا يشرب اكيد مات

------------------------------------

مرة ثلاث صقور عملو مسابقة مين يصطاد اكبر فريسة.. قام نزل الأول وووووورجع منقاره كله

دم .. قالولوه ها .. قالهم شايفين الشجرة اللي هناك ده .. كان تحتها ارنب كلته وجيت ... نزل التاني وووووو رجع وراسه كلها غرقانه دم .. قالولوه ها .. قالهم شافين الغابة اللي هناك ده كان فيها غزال كلته وجيت .. جه دور التالت نزل ووووووووووووو رجع غرقان في دمه .. قالوله ايه .. قالهم شايفين العمود اللي هناك ده .. انا مشفتووش

--------------------------------------

مره البوليس قفش واحد شغال فى شبكة ارهابية قالولة اية اخر عملية عملتها قالهم

البواسير

---------------------------------------

ملئت الطائرة بالركاب فكان على ثلاثة النزول فقم فرنسي وقال

لنضحي من أجل فرنسا وقفز من باب الطئرة وأمريكي قال لنضحي من أجل أمريكا فقفز من الطائرة وقم جحا فطلب من عجوز ان يدفعه فهرب جحا وسقط العجوز وقال جحا لنضحي بهدا العجوز

----------------------------------------

الفلاحين أتفقوا أن يعملوا شئ يطلع عليه نكتة زي الصعايدة راحوا عملوا كوبري في

الصحراء وعزمواالمحافظ للأفتتاح ولما راحوا لقوا بلديتنا قاعدين فوق الكوبري بيصطادوا سمك

----------------------------------------

كان فيه عشر صعايده بيربطو الكرفاتات

سته ماتوا واربعه فى حاله خطر ههههههههه

------------------------------------------

بلديتنا وقع من برج القاهرة قام يهرش فى راسه

------------------------------------------

مره واحد كان قاعد فوق السطح بيحشش ف طلع عليه واحد قاله الحق يا سيد بيتكو وقع

وامك وابوك ومراتك وعيالك كلهم ماتو قام باصصله وقاله ماتو والدمعه هتفر من عينه وقال لنفسه انا هعيش لمين ما خلاص كلهم راحو وقرر يرمى نفسه من فوق السطح فلما وصل للدور الرابع افتكر وقال ايه ده انا ابويا وامى ميتين من زمان وجه عند الدور التالت قام قايل لنفسه عيالى مراتى ايه ده هو انا اتجوزت اساسا جه بقى عند الدر الاول وقام مزعق وقايل لااااااااااااا ده انا مسميش سيد

اذا اعجبتك موضوعاتنا فاشترك في القائمة البريدية بالاعلى على اليسار ليصلك جديدنا يوميا

شوية فرفشة بس نكت جامدة

مره واحد بارد قوى ركب اتوبيس شاف بنت حلوه قعده بصلها بصتله غمزلها غمزتله راح مقرب منها و قال ننزل المحطه الجايه هى نزلت و هو اعد على الكرسى

واحد بلديتنا قال لمراته نكتة وبعد النكتة.
مراتة : هى هى هى بايخة
بلدياتنا : هى هى هى انتى طالق

سأل أستاذ تلميذه: ما اسم الحيوان الذي تصحو على صوته كل صباح؟
أجاب: بابا .



واحدة عاوزة زوجها يحبها من اول ليله قالته : اسكت .. مش انا حامل



بلدياتنا حب يوصل بلده بسرعة ركب القطر وقعد يجرى فيه


مأذون مش لاقي شغلانة طلق مراته


ولد صغير بيقول لـ مامته .. بتضربينى ليه يا ماما .. هو انا بابا



محشش قالوا له قول لنا طير بحرف الكاف، قالهم كنتاكي


واحد رخم نزل الشارع وقف قدام عمود ... قالوه عديني



غبى لقى أتوبيس مكتوب عليه السيدة زينب - قلع الجزمة و ركب



واحد رخم أوي دخل غرفة دردشة عمل على الناس كلها (إجنور)



بلدينا داخل عند حلوانى قاله عندك جاتو قاله اه قاله هاتلى قفصين




واحد غبى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر





بلديات فتح محل انابيب غاز .. فجّر اسطوانتين فى وسط البلد .دعاية




تلاتة ركبوا طيارة .واحد صعيدي و واحد فرنساوي و واحد امريكاني
جت المضيفة :"تشرب ايه يا فندم" رد الامريكاني قالها اشرب مانجة يا مانجا
و رد الافرنساوي اشرب فراولة يا فراولة
و رد الصعيدي اشرب لبن يا داموسة!!!!!!




واحد حانوتي ربنا فتحها عليه و فتح محل فكهاني..كل يوم في المحل يقعد ينادي :
المووووووز علينا حق !!!




مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق





طلب مدرس من تلميذغني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!!





مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه





اتنين بدوروا على زوجاتهم فى السوق, فاتفقوا كل واحد يدور على مرات التانى , فاللبنانى بيوصف زوجته للصعيدى وقاله: شعرها أصفر وعيونهازرق وقوامها سمبتيك , ها وشو أوصاف زوجتك؟ رد الصعيدى وقاله: سيبك من مراتى ويلا بينا ندور على مراتك





واحد بيقول لخطيبته لما ازمرلك انزلى قالتله هو انت اشتريت عربيه قاللها لأ اشتريت زماره



صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين

اذا اعجبتك موضوعاتنا فاشترك في القائمة البريدية بالاعلى على اليسار ليصلك جديدنا يوميا

اجدد نكت في السوق اوعى ماتضحكش

واحد متجوز من 20 سنة وفيه دولاب عنده مقفول بمفتاح من يوم ما اتجوز وبياخد المفتاح معاه ف كل حتة.. مراته نفسها تعرف الدولاب ده فيه ايه... انتهزت الفرصة بعد 20 سنة جواز وعرفت تاخد المفتاح وفتحت الدولاب لقت فيه 200 الف جنيه وبيضتين
راحت لجوزها تسأله... ايه حكاية البيضتين دول.... قالها الصراحة يا حبيبتي كنت كل ما اخونك مرة اروح اشتري بيضة واحطها في الدولاب... قالت كويس عشرين سنة جواز ومخانيش غير مرتين بس
قالتله وايه حكاية ال 200 الف جنيه دول... قالها كنت كل ما اكمل كرتونة بيض اروح ابيعها
*****************************************
>>>>>>>>>><<<<<<<<<,
مرة ضابط مصري وضابط اسرائيلي دار بينهم هذا الحوار
الاسرائيلي: الا قوللي يا انتم بتاكلوا ايه ع الفطار؟؟
المصري: فول بالزيت.
الاسرائيلي: طب بتاكلوا ايه ع الغدا؟؟؟
المصري: فول بالطماطم.
الاسرائيلي: أمال بتاكلوا ايه بقى ع العشا؟؟
المصري: فول بالبيض.
الاسرائيلي (بتريقة): أمال ايه الفرق بينكم وبين والبهايم؟؟
المصري: سيناء

------------------------------------------------------

واحد بيقول لمراتة : تصدقي جارنا بيقول انه خان مراته مع ستات العمارة كلهم الا واحده بس؟
قالت لة أكيد الولية الرخمة اللي في الدور الرابع
**************************************
عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة،

قال والله انا كنت متأكد انهم في الهيصة دي هينسو حد
__________________

اذا اعجبتك موضوعاتنا فاشترك في القائمة البريدية بالاعلى على اليسار ليصلك جديدنا يوميا

امتحان اللغة العربية في مصر عام 2040

مستقبل زاهر ينتظر التعليم في مصر وهذا تصور لما يمكن ان يكون عليه شكل امتحانات المستقبل من خلال قراءة لما هو واقع الان

========بيانات الإمتحان====

وزارة هنديك بالشبشب
أختبار اللغة العربية
انشاء الله هنشوفك السنة الجاية يا باشا
وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================
هذا الامتحان برعاية بيبسى
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))
==================================================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).
ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))
==================================================
السؤال الأول (20 علامة )
==================================================
قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
==================================================
الأسئله
==================================================
1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 علامات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 علامات)
3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 علامات)
4- استخرج من البيت الثالث صورتين فوريتين مبينا نوع الكاميرا (3 علامـات)
==================================================
مساحة خالية للإعلان- ت : واحد اتنين .. الجيش العربي فين
==================================================
السؤال الثاني ( 8 علامات )
==================================================
أعط أسباب ما يلي مع شرح وافي :
(( ياعم كبر يا عم بص .. ده حتى بص ده الواد بيلظ ))
==================================================
1- تم نقل السوق المالي إلى سوق السمك ؟ (2 علامـة)
2- إقبال الناس الى شراء نوكيا 9990 و عدم شراء نوكيا 9900 ؟ (2 علامـة)
3- إغلاق شبكة الأخبار Pnn بعد زواج شارون ستون ؟ (2 علامـة)
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 علامـة)
==================================================
*** أخي الممتحن أقلب الصفحة: والله لتندم عالساعة اللي دخلت فيها المدرسة ***
==================================================
السؤال الثالث –اختياري- (5 علامات)
اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 علامــات)
==================================================
فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))
==================================================
السؤال الرابع (8 علامات)
==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة
==================================================
1-ماذا كان يريد ان يقول عمرو دياب للمزة ؟ (4 علامــات)
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 علامـــة)
3- ما اسم صبي الخياط بتاع ام الموديل اللي كانت مع عمرو في الكليب ؟ (2 علامـــة)
==================================================
السؤال الخامس (20 علامة)
==================================================
موضوع تعبير
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 علامة)
==================================================
راندا كولا
المشروب الرسمي لهذا الامتحان
==================================================
*** أخي الممتحن أقلب الصفحة أحسنلك (( اصلك مش عارف اللي فيها )) ***
==================================================
السؤال السادس ( 19 علامة )
==================================================
اجب عن أربعة فقط من الأسئلة التالية
==================================================
1- ما رأيك بتصرفات " رفيع " و " فرحة " في مسلسل الضوء الشارد ؟ (5 علامــات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2- ما رأيك بموقف "حسام" من "سرية" في مسلسل الحقيقة و السراب ؟ (5 علامــات)
3- من برأيك أقوى وأفضل بوكيمون - هل هو – بيكاتشو ؟؟؟ (5 علامــات)
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002. (4 علامـات)
==================================================
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً
==================================================
سؤال المساعدة ( لرفع العلامة ) ( 20 علامــة)
و ملهوش لازمة اساساً
==================================================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
==================================================
انتهت الاسئلة و نلقاكم في امتحان الدور التاني انشاء الله
ربنا يعينكم علينا

اذا اعجبتك موضوعاتنا فاشترك في القائمة البريدية بالاعلى على اليسار ليصلك جديدنا يوميا